黃耀明

黃耀明《邊走邊唱》演唱會最近宣布在澳洲墨爾本和悉尼開騷，明哥過去一年邊走邊唱，由台灣到北美再到英國歐洲，經過一年多時間，今次竟走到地球南端的澳洲，之後他將再回到台北原點。 澳洲門票於2月2日公開發售。今次澳洲巡演未正式開賣已惹來撲飛熱潮，明哥表示「 好多澳洲嘅朋友一知道消息已問定幾時有得訂飛，好擔心到時睇唔到。 」 明哥另表示今次巡演，會再次聯同Veegay 李端嫻及老拍檔 Jason 蔡德才 ，並透露今次歌單又會與之前歐洲大不同，我希望為每個城市都有一個獨立嘅歌單。為表重視，明哥更特別邀請好友插畫師黎達達榮為澳洲兩站重新設計海報。 明哥好鐘意兩款設計，更贊黎達達榮好細心，「墨爾本一站系我穿著拉鏈羽絨＋熱褲，代表墨爾本一日四季，拉鏈羽絨可加可減 ，還有 澳洲著名的回力鏢，至於小狗，選用了澳洲的牧羊犬 ，頭上戴上澳洲的蒼蠅帽配上墨爾本彩虹小屋。而悉尼海報，為了配合悉尼是個衝浪勝地 ，所以我配上一身滑浪打扮，加上拳擊袋鼠的拳套 ，狗狗則選用澳洲野犬，身上有悉尼著名歌劇院 。」 （供圖）   對於首次澳洲巡演，明哥表示好興奮又期待，還可以去兩個不同的城市。希望演唱會後可以四處遊覽。明哥表示他十五六年前曾經去過澳洲悉尼，當年是去悉尼看 Damien Rice演出，雖然只是簡單 Set up , 但當時已覺得驚為天人 。當年還去了大堡礁遊覽，他記得當日很大浪，全船人都暈船浪，全程都是嘔吐聲，當然他也不例外。最奇妙的是，他還在大堡礁偶遇蔡一智一家，他笑言他們是怒海中相遇。 （圖：黃耀明臉書）   《邊走邊唱》差不多繞了地球一圈，從北到南走過大半地球，明哥表示過程「既有趣亦非常弔詭」，只因近年香港發生的事，大量香港人的四處遷徙，令一些他本來沒機會去開演唱會的地方，如今因多了流散各地的香港人，反而有更多的演唱空間。 明哥感慨說：「有趣地方系，我系一個香港孕育出嚟嘅歌手，但系過去幾年我喺香港都冇得演出，如今世界各地多咗好多香港人，好多我以前無諗過去嘅地方，反而多咗機會演出，所以究竟系失去咗定系賺多咗，呢條數真系未知。而家呢一刻都系希望捉緊啲機會去見大家，同去一啲未去過既地方。其實我每去到一個地方，都會設計一啲環節或者歌曲，系過程中，都會加深咗對當地既文代背景有更多認識，我覺得無論如何都系一種得著！」 （供圖）   努力尋找演出機會及場地 明哥的《邊走邊唱》演唱會本來在去年8月有機會在香港會展開唱，可式最終在沒原因下被取消，香港貴為明哥出生及成長的地方，香港演唱會對明哥可謂特別重要亦別具意思，如今被無理取消，明哥至今仍感到非常可惜：「我覺得好無奈，如今社會時勢系我哋完全估唔到，我仍然覺得租場機構欠我同歌迷一個解釋。」對於再在香港開騷，明歌帶點氣餒：「我當然想再喺香港開騷啦，不過暫時客許我躺平一下先，我仍然會好努力去尋找演出機會同場地，不過喺可見嘅日子，我暫時都系會躺平下，或者去世界各地，見嚇唔同嘅歌迷先啰！」 年過60的明哥轉眼入行已差40年，在這行業經過起起落落，面對過各種打擊，再開朗的明哥亦曾透露過自己曾有過疑似抑壓的癥狀，明哥稱雖然現在香港的大環境好難令人感到愉悅，但幸好自己有大班好友及音樂陪伴：「我曾經提及過自己試過有好消沉嘅時候，甚至系有一啲情緒病，我覺得而家我系非常之OK嘅。我有朋友啦，亦有尋求有一啲醫學上嘅幫助啦，同埋我可以繼續創作音樂同分享音樂，喺過程中會得到大量嘅快樂，我覺得音樂系一個好好治療百病嘅方法。」   （供圖） 保住赤子之心 對世界仍好奇 明哥熱愛音樂不用懷疑，只是入行近40年，多大的熱情也難免有冷卻的時刻，難得是明哥仍有熱情環遊世界，有心有力在地球各角落留下歌聲。明哥熱情不減，他笑言只因自己仍對這世界好奇：「我覺得唱歌時候，無論首歌系悲傷或者系喜樂嘅歌，都會系一種釋放同宣洩，通過唱歌呢個浩動系會令我開心，所以我系好想捉緊創作同推出作品嘅機會。而且我呢個人嘅性格系充滿好奇心，雖於我已經61歲，但系我仍對世界各樣事物同新嘅音樂發展存滿好奇，可能呢樣就系我令我繼續創作嘅動力啦！」對世界存滿好奇和赤子之心，原來亦是61歲明哥保持青春的秘方，明哥還表示多聽現場音樂和演唱會，可以令人心情快樂亦自然會心境開朗。   （供圖） 新音樂人有驚喜 雖然明哥暫沒有機會在香港公開表演，但作為樂壇前輩，當然有留意近年本土大量湧現兼爆紅的男女新人，除了時代環境因素令他們多了創作靈感「時代那麼壞，名字那麼大」之外，其實科技亦的確為新人們提供了便利，而現代聽歌或創作，亦比過去更加「民主」：「一個咁嘅時代，系可以俾好多靈感俾人創作音樂嘅。而家每個人都可以用自己方法去發行，唔使靠大公司，可以 一手一腳搞掂， 宣傳甚至發行，都系一部電腦或者電話就得，大家除咗去緬懷所謂過去good old days 嘅Canton POP外，一啲新嘅音樂或者創作人都要去支持啰。」而一大堆新人之中，除了林家謙，Serrini等大路選擇之外，明哥更愛留意一些新晉的樂隊組合如COPAK等，演出不時有驚喜。難得61歲明哥仍可以緊貼潮流，期待他在澳洲演唱會為大家帶出更多火花。   好消息：現在可以抽獎獲取免費門票！ 《看傳媒》為讀者朋友們爭取到了3套悉尼雙人門票和3套墨爾本雙人門票。如果想參加門票抽獎，請在3月3日之前將名字、城市、電話和郵箱發至： 0466 979 437   《黃耀明邊走邊唱澳洲》門票發售詳情： 橫越赤道 到今天世上所有地方 黃耀明邊走邊唱澳洲站 2月2日( 星期五) 12pm (澳洲時間）開賣！ https://linktr.ee/songsofwandererstour Melbourne/ 墨爾本場 日期：2024年3月14日（星期四） 時間：7pm (doors) / 8pm (Opening) 地點：Festival Hall, 300 Dudley St, West Melbourne VIC 3003 票務平台: Ticketmaster 票價：$140/ $200/ $268/ $368（VIP 優先進場） （票價不包括售票平台手續費, 只准18歲或以上人士入場）   （供圖） Sydney/ 悉尼場 日期：2024年3月17日（星期日） 時間：7pm (doors) / 8pm (Opening) 地點：Town Hall, 483 George St, Sydney NSW 2000 票務平台: Ticketbooth 票價：$140/ $200/ $268/ $368（VIP 優先進場） （票價不包括售票平台手續費, 5歲或以上人士入場） VIP 門票包括以下福利： […]